Keh Politik Maw Na Um Orh Politik

Please download to get full document.

View again

of 6
19 views
PDF
All materials on our website are shared by users. If you have any questions about copyright issues, please report us to resolve them. We are always happy to assist you.
Document Description
Keh Politik Maw Na Um Orh Politik
Document Share
Document Tags
Document Transcript
  Keh Politik Maw Na Um Orh Politik    Salai Van Lian Thang    Keh le Orh Politik:  Minung nih Acozah hmuhning ah ruahnak ai do tawnmi phunhnih (  two conflicting philosophies of gov’t  )   kan ngei lengmang. Cucu ‟ Keh  politik le Orh  politik” tiah an ṭhen. Mirang nih ‟ left-wing  ” le “ right-wing  ” asiloah ‟leftist le rightist” tiah biafang an bunh. Hi biafang hi 1789 French revolution lioah Siangpahrang nawlngeihnak ritukpiak a duhmi National Assembly innpi chung kehlei kam a ṭhumi cu ‟left - wing” tiah an auhnak hna le Sia ngpahrang uknak hirhiar (absolute monarchy) a duhmi orhlei kam a ṭhumi cu ‟right - wing” tiah an rak kawhnak hnain aa thok. Chan a hun kal i thimmi aiawh uknak ‟Republic” duhmi cu ‟keh politik” an hun ti hna i, Siangpahrang uknak a duhmi cu ‟orh politik” an hun ti hna. Chan a hun kal rih i uknak phu ṭhawnter ‟strong executive” a duhmi cu ‟orh politik” ti an hung si i; upadi serphu ṭhawnter ‟strong legislature” a duhmi cu ‟keh  politik” an hun ti than hna. Cuticun chankhat hnu chankhat politik khuaruahnak “philosofi” a hun sang vima i; cu khuaruahnak ikalhnak phunhnih cu hi biafang pahnih hmangin ṭhen lengmang a hun si caah ‟keh le orh politik” cu vawleipi hmanmi ramkhel biafang fekah a hun cang. Tulio Hmanning Sullam : Hi biafang hmanning hi a ram zongin pumpak zongin pomning a kuai ngai ko. USA le Europe ram hmanning zong dannak an ngei. Asinain, a tlangpi cun economic pawlasi ah orhphu nih ‟capitalism” an uar; kehphu nih ‟socialism” an tanh. Kehphu nih pumpak pakhat ṭhancho kha biapi an chiah lioah orhphu nih a ra mpumpi ṭhancho kha biapi an chiah. Orhphu nih hruaitu hna kutah nawl a tam an uar lioah kehphu nih mizapi kutah nawl a um deuh an uar. Kehphu nih mibu tlukruannak a herh hrimhrim an ti lioah orhphu nih iruan lonak cu a phung a si ko, an ti. Khur khuaruahning ah orhphu cu an hak deuh; ‟ conservatism ” an si. Kehphu cu an nem deuh; ‟ liberalism ” an si. Orhphu nih an khuaruahnak le zumhnak fawi tein an t hleng duh lem lo. Thilhlun an tlaihchan, phun an tanh; thilthar cohlan an iharh ngai. Kehphu cu thilthar ruahnak thar an cohlan khawh; khuaruahnak a herhning in an i thleng kho. USA ram Republican Party cu ‟conservative” an si. Democratic Party cu ‟liberal” an si. Democratic nih vawleipi huapin khua an ruat duh deuh ko hnga i, Republican nih USA ram ca deuh kha biapi in an chiah duh deuh lengmang ko lai. UK ram ahcun Labor Party cu “Keh politik” an si i; Conservative Party cu “Orh Politik” an si.  NLD le Keh-Orh Politik:    Nitlakram ahcun ‟ this newspaper's views are very right- wing”  tiah thawngca an relna k bakin ‟ hi thawngca cu orh lei ruahnak a tlai tuk” an ti khawh colh ko i, an politik khelnak tualraw n ah keh le orh politik philosofi kha thukpi in hmunhma a ngei. 2011 kumah Denmark sianghleiruun rual hna Kawlram an hun tlawng i NLD Party hruaitu Pi Aung San Suu Kyi cu bia tampi an va hal. ‟NLD hi keh maw nan si, orh  politik  ” tiah an va hal tikah Pi Suu Kyi hi a lu ai kheuh deuh ko rua! Cu chungtel sianghleikai pakhat nih, ‟a  s for the policy of  NLD, we found it hard to obtain a concrete answer from her, whether they might consider themselves Left-wing or Right-wing  ” tiah, ‟ fiangset in  keh le orh an si kha a kan let kho lo” tiah Mizzima thawngca ah a rak tial. i  Democracy tiluan nih saupi a kan fenh ve rih lo caah hi politik khelnak tualrawn chung kan luh deuh lo zong kha a si lai i, kan Pi hi ‟a mawh lo” kan ti rih lai. Rim a hung nam ṭhan:   Taktak ahcun ‟keh le orh politik” pahnih idohkalhnak phun hi Kawlram Palimen democracy chan (1948-1962) ah a rak fak ngai bal. Phu khat le phu khat i ngan loin an rak iphomh. Cu philosofi ikalhnak ruangah democracy ci zong a rak thi ṭhan kan ti khawh hnga. C atialthiam Kyaw Win nih ‟tulio ah keh le orh politik thlizil hi Kawlram ah a rim a nam thok ziahmah ṭhan hoi cang” tiah a chim. Kawlram hruaitu lu hna nih kuttial zohthiam bia ningin ram pawlasi biapi deuh an chah tawn. Mirang kut tangin independence zing arkhuang nazi 4:20 celngel ah an rak lakmi te hna; khualipi Yangon in  Naypyidaw ah an ṭhialmi te hna hi kuttial zohthiam bia ningin an chah, tiah Kawlram eksapat Andrew Selth nih a tial. Cun a peh rih i ‟Mir  ang uk lio chanpi in mawtawka cu kehlei in an rak mawngh tawn. Asinain, kuttial zohthiam nih Kawlram cu politik khuaruahnak ah “ left- wing”  lei kan pil tuk caah “ right- wing”  ah thlen zok a hau, an rak ti i orhlei kamin mawngh dingin Buchoh  Ne Win nih 1970 ah awder a chuah , cu thokin tunitiang orhlei kamin mawtaw an mawngh” tiah a chim. ii  Hi bia nih Kawlram zong “‟keh le orh politik” philosofi nih fakpi in kan khur khuaruahnak   a rak kan tuam bal ve ko, ti kha a langhter. Tulioah hi politik khelnak phun takah kan um rih lo nain tulio politik kan thlirning “philosofi” zoh tikah ‟ keh  le orh  politik” khuaruahning  phun thlarau hi kan lakah a leng peng ko. Brek lamh kho lo tih a nung:  Keh politik khuaruahning hi a kal lengmang i a brek lamh kho loin a lanh sual tikah ‟communist” ah an ichuah. India Maoists tupung khi ‟left - wing extremist” an si i, India hruaitu Chidambaram nih ‟ralhraang nakin tih an nung deuh” a ti. Politik an zumhmi khelning a pinh tuk tawn tikah zeisuallo  mi a tomtom in thah an hmang. Orh politik hi miphun dawtnak le phun tanhnak ‟nationalism le rasism” ah hram thukpi in a thla tawn. Brek lamh kho loin a lanhsual ve tikah ‟fascist‟ ah an ichuah ve. Norway ramah zeisuallo mino 70 leng a thattu pa kha ‟right - wing extremist” asi. Muslim mipem Europe an hun karh tukmi cu kham zokzok a hau, tiah mipem cohlang Cozah cu fakpi in ka  phomh, tiah cu Cozah sertu Party mino 70 hlei kha a va thah hna. Cucu ramdaw le ram kilhkamhtu takah ai rua t i thilsual tuahah ai hmu lo. Vawlei ralpi 2nk zongah ‟fascism” ruahnak a dirpitu Hitler  phu le ‟communism” ruahnak a dirpitu Stalin phu an rak ido. Phundang cun: Hitler cu brek lamh kho loin a lan sualmi “right - wing extremist” asi. Stalin cu ‟left -wing e xtremist” kan ti lai. Hi idohnak ruangah minung tamtuk an rak thi. Politik ruahnak le zumhnak dirpimi ‟philosofi”  ah brek lamh kho loin rak lanh sual kha tih a nung kho ngai. Kawlram Thlennak le Politik Khuaruahnak Ralkap cozah nih 2010 thimnak a tuah tikah phu tampi nih hlennak men a si tiah an doh. Thimnak ai cuhmi cu “  pumpak hlawknak a kawlmi ”  le “ ram rawiphiartu ”  tiah an soi hna. Hi ruahnak a ngeimi nih “ rumro uktu ralbawi nih an mah lungtho in uknak an kaltak ti cu a um bal lo. Thlennak cu UNO bia bang phuthumkomh biaruahnak ‟tripartite dialo g ue” longin a cang kho” tiah an dirpi. Cu lioah phu zeimaw nih “kan duhmi thlennak cu Hlutaw chungah a takin luhhnawh i chimrel ve hrim a hau; lamdang a um lo” tiah ramkhel part y an dirh i; Hluttaw chungin hehchat an cawl ve. Hi ruahnak ikalh ruangah NLD in hruaitu zeimaw cu an chuak i NDF phu an va dirh. Phu tampi an kuai; hruaitu thinlung ai ṭh en; tunitiang a chung-ne a nawi peng rih ko. Thein Sein he an ichonh tlaw mpal ah Pi Suu Kyi nih ‟ Tamadah  nih ram thlen a duh taktak ko” tiah a rak phuan tikah ar rulhmu bang an rak lau dih. Thein Sein cu ralkap Cozah chanah buchohci asi; Vuancichoh asi; 2008 Phunghram suainak National Convention Chairman zong asi. Pawlai nih a tial a thlen khawh bal lo bang rumro uktu ralbawi hlun nih “ democracy tanhtu le thlennak duhtu” cu zeitindah a si khawh lai, tiah soisel aw a tomtom in a chuak colh. Pi Suu Kyi cu “Aung San nih ram a zuar” ti ah an rak puh bang ‟ a thluak an tawl cang ” ti ah an rak soi. NLD Hluttaw chung a thut le  bang cun “a pumpi in an lemh cang; an kutke ah an hman cang ” tiah sumphomh in phomh a tong. Hi lioah phu cheukhat nih ram thlennak kan duh tak ah cun “ ralkap USDP party he tuanti hrim a hau; ralkap zong a hrial in hrial loin a komh in komh an hau” tiah an rak au  pi ve. Politik idohnak le ikalhnak a ngan ko! Ramtang hriamtlai phu komhnak United Nationalities Federal Council nih ‟2008 phunghram cu hlonh lawlaw i a tharin tial siseh” an ti lioah Tlangmi hruaitu zeimaw komhnak Working Group for Ethnic Coordination nih ‟a remhin remh siseh” an ti. 1990 thimnak lut Tlangmi ikomhnak United   Nationalities Alliance nih ‟a thar tial siseh” an ti lioah 2010 thimnak lut Tlangmi  phu ikomhnak  Nationalities Brotherhood Forum nih ‟a remhin remh si deuh seh” an ti ve. Cu lioah NLD nih ‟ remh le a thar tial kongah mipi ruahnak kan lak lai” an ti i USDP nih ‟a thar tial timi cu tih a nun gtuk” tiah hronak ca an chuah. Hruaitu thimning zong ‟PR system hman siseh” tiah Palimen chung a cawlmi an um lioah atu ning in ‟FPTP system hman siseh” tiah fakpi a dir   pimi an um hoi. Hluttaw chungin ralkap cu “ voilekhat ah hloh dih siseh” a timi  an um bang “ duhsah tein zorter a tha ”  a timi an um. Thein Sein cozah ni h “Kawlram zeimazat a   thlen taktak ko” tiah a pommi an um lioah “thlennak zeihmanhh hmuhawk a um rih lo” a timi an rak um hoi. Hmai dangin zoh ahcun a hak deuhmi “conservative” l e a nem deuhmi “liberal” tiah a n um lengmang; ruahnak hlun fekthup a dirpimi le ruahnak tharah ai thlengmi tiin an um. Khel dangcun “keh le orh politik” khu aruahning  phunhnih ikalhnak phun a fak ngaingai, kan ti ko lai. Thakhin Than Tun le a Khuaruahnak Kawlram tuanbia ah a min a dai lomi Thakhin Than Tun hi Buchoh Aung San tluk tein an chan lio ahcun paza ngai a rak si. Pu Aung San a nupi Daw Khin Kyi nau pasal a si i, Aung San hecun chungkhat ( brother -in- law ) an si lengah hoikom ṭha zong an rak si. Asinain, Buchoh Aung San cu London a va kal i ''biakchonhnak'' hmangin Mirang kuttang in ''independence'' a kan lakpi tikah Thakhin Than Thun nih, ''Aung San lakmi independence hi cu a hman lomi le a dik lomi a deu a si; raldohnak (revolution) in hmuhmi independence long a tlingmi le a dikmi a si” tiah a rak ti i, “ Aung San nih Kawlram a zuar  ”  tiah biatak tein ral a rak tho than. Thakhin Than Thun nih “ Independence cu raldohnak in kan hmuhmi asi zongah; biachimnak in kan hmuhmi asi zongah; an ni khat ko” t imi kha a rak hmu kho lo. Ral a thawh tikah mi tampi nih an rak zulh i Kawlram tupung ṭhawngbik cu Burma Communist Party a rak si. Nain, hnu ahcun a bu chung mi lila nih an rak thah i mi tampi nih ‟cu tluk fa paam cu e” tiah an rak tah. BCP zong phu fatete in a kuai lengmang i an lotlau dih. Thankhin Than Thun hi a khuaruahnak le zumhnak hlunah faktuk in a dirnak nih a mit a cawtter i; a dikmi thil kha a hmuhter kho ti lo; a khuaruahnak a thlenter kho ti lo. Cu lengah a dirpimi philosofi kha a dikbik ah a ruat i a dang ruahnak kha a palhmi le a hman lomi tiah fak tukin adoh. Khel dangcun a dirhmun a hak deuh; “conservative” asi; “ orh politik nih a khuh” kan ti lai. Tlangkawmnak: Pi Suu Kyi nih ‟ International Day of Democracy” ah hitin a c him, “kan khuaruahnak pungsan  ai thleng kho lo. Hi dirhmun ah hi ningkel; khi dirhmun zongah hi pungsan ṭhiam , hiticun a si kho lai lo. Kan khuaruahnak a herh ningin thlen khawh a hau ”  tiah a chim. iii  Hihi USDP cozah a kai i; “kan zum lai maw zum lo hme” tiah  buaicur in kan um lioah; khuaruahnak thlen ai harh takmi NLD putar  hna a chim hnawhmi bia asi. A sullam cu “ ralkap cozah hi a doh in doh; an hrampi in phoi hnu-ah kan kan duhmi democracy ramah thlen” timi khuaruahnak hlunah dirpeng awk a silo. “ A herh ahcun kan ral kha a chonh in chonhbiak i hmunkhat tuantinak in demoracry ramah kan i thlenti a herh ”  a ti duhnak asi. Pi Suu Kyi bia nih “independence cu raldohnak in lakmi a si-ah; biachimnak in lakmi a si zongah an ni khat ko” timi a  hmu kho lomi Thakhin Than Tun bantuk mitcaw kan um sual lai timi ralrin a kan a pek. Hmuhning hlun kelah faktuk in dirpeng i; ruahnak ai thleng kho ti lomi luhak “ Orh politik  ”   phun kan tam deuh ti zong a kan theihter. Kan kawltung phaknak ah “raldohnak le biakchonhnak” long hi a lam a silo; “Hluttaw” chung zong  hi a lam a si ve ko, timi a kan pemhter. Bia dangcun “armed struggle” long a lam asi tilo; “political struggle” zong  hman a hau ve cang, timi a kan fianh. Ram thlennak caah kan ral kha a dohin doh i tei cikcek long kha a lam a silo; kan ral kha a chonh in chonh i kan ral he hmunkhat luantinak in ramthlen khawh a si ve ko, timi a kan hmuhsak. Tuluk hruaitu Deng Xiaoping nih ''chizawh nak le chizawh rang an si kha a biapi lo; zu an tlaih khawh poah cun a za ko'' a rak ti. Achim duhmi cu ''Tuluk ram pawlasi hi capitalist a sile socialist a si-ah faktukin kan buai-awk a si lo; economy ṭ hanchonak a chuahpi mi a sicun a za ko'' a ti duhnak asi. Federal phung hmuhnak ah Hluttaw lengin a khelmi an um lai i; Hluttaw chung lutin a khelmi an um lai. Ramtang ah hriamnam in a khelmi zong an um lai. Zeibantuk lamin an khel kha a dik deuh i a hman deuh timi a um lo. ''Negotiation'' in lakmi luatnak a si- ah “ revolution'' in hmuhmi luatnak a si-ah an ni khat ko bang Hluttaw chungin hmuhmi a si- ah raldohnak in lakmi “Federal   phung ”  a va si zongah an ni khat ve ko lai. Cucaah cafung putin ramkhel an si-ah, hriamput in cangvut lak thisen thle an si zongah; Hluttaw chungin a cawlmi an si-ah, Hluttaw lengin a aumi an si zongah zeibantuk phun-in an cawl kha a biapi bik lo; itluk tein thazaang kan pek thiam a herh. “ Orh le keh poltik  ” timi ah a ṭ ha deuh le a chia deuh ti incun a um thiam lai lo. Asinain; dirpimi  politik khuaruahnak ah brek lamh kho loin lanh sual tu cu tih a nung kho ngai. Tulio Kawlram ah ramkhel phu hna karah pumpak izuamcawhnak le ikalhnak a ngan taktak. Dirhmun an ipompi duh lo. Tei ahcun teimi phu cu zeihmanh tangloin taklong ngacha in chiah an duh. Phu zeimaw dirhmun cu a hak tuk lomman fawn. Palimen democracy chanah “opposition chimmi poah a palh dih; ruling  bia poah a hman dih” tiah sumphomh in an iphomh chanah kan kir hnik lengmang. Brek lamh kho loin kan lan sual lai, timi phan a um deuh tawn. Mahatma Gandhi nih ‟ democracy cu seh nih thilri pungsan a hrawh; a thlenmi hnuah a cangmi phun a si lo; thinlung khuaruahnak ithlen a hau ” a rak ti. Ram ai thlen zongah kan “ khuaruahnak philosofi ”  ai thlen khawh tung locun democracy kan hmu kho hlei lai lo. Politik khur khuaruahnak ithlennak ahcun a hrampi cu “ tulio keh politik maw na um orh poltik”  timi kha bialhalnak biapi cu asi.
We Need Your Support
Thank you for visiting our website and your interest in our free products and services. We are nonprofit website to share and download documents. To the running of this website, we need your help to support us.

Thanks to everyone for your continued support.

No, Thanks